ثلاث سنين وانا اخطط لهذا اليوم يابو سعود ....
تيسر حالي وجاهز اوفي وعدي بوقته ...
وفجأه جتني تتعذر تقول تاخرت الوعود ...
وانا مستغرب واسمع كأني وعدها خنته ...
حسبت انها تمازحني وتتصنع جفا وصدود ...
ضحكت بوجهها من قلب مع انها بايخه النكته ...
وقالت ارضى بالواقع قلبي ماهو المعهود ...
تغير كل شي صوبك نصيبي ما اضن انتـ(ـه) ...
كنت بيوم محبوبي ولاكن ماظن نعود ...
وصل من قبل ماتوصل وانا ذاك الصبر عفته ...
ولاكن تكفى صدقني ويشهد ربي المعبود ...
ترى ماخنتك بغفله ولاكلمته وشفته ...
صراحه اهلي قالولي بأنه ولد اصل وجود ...
وجتني امه بالصوره وكلمات المدح اخته ...
سكت وقلت هي فرصه دام الجود في الموجود ...
وقالوا كل من حولي كلمات الرضا سكته ...
وانا فكرت دام امه واخته ماعليهم زود ...
اكيد اني براضيهم اذا وافقت واخترته ...
وأراضي اهي واخواني دام ان الفرح مقصود ...
عطيت الناس انا كلمه ومعهم وقتي حددته ...
ولا أقدر اغيرها ترى عند العرب منقود ...
أوافق واعتذر بكره واقول الراي غيرته ...
تبي تشرح لي المنقود ...
تصدق عاد يابو سعود ...
تبيني اقتنع وأرضى حالٍ عمري ماعشته...
انا ماني بقايلها عسى يفرش ثراها ورود ...
بعد ماحطمت قلبي وطعم الموت جربته ...
عسى بفستناها اشواك وبثوبه عقارب سود ...
ونار تحرق الكوشه وتحرق بيتهم حتـ(ـه) ...
وموت بليله الدخله يبرد حرتي ياكود ...
ولا احس انها بحظنه يلامس خد لامسته ...
علي اهون اذا ماتوا ولا بنفس السرير رقود ...
ترى صعب علي اتخيل الي ماتخيلته ...
عسى قاع الثرى يقسى ويتحول صخر جلمود ...
وحفار القبر يرفض يسوي فوق مقدرته ...
ترى دفنت عديم الذات تلوع حتى كبد الدود ...
ومن خان العهود ومات تعافه حتى مقبرته ...
عسى ربي يجازيهم حبل من مسد ممدود ...
يعلقهم من اطرافه وفوقه نار وتحته ...
انا لاني حقود وشين ولاني من نسل نمرود ...
ومن حط نفسه بوضعي بيقول الي انا قلته ...
مدام ان الفعل له رده فعله والله ابشري بردود ...
بدعي دامني حي وبزرع للدعى نبته ...
وبسقيها نزيف القلب ودمع مارحم الخدود ...
وتكبر والثمر ثاري من الي خانني وصنته ...
وانا نذر علي اكتب وافجر هالقصيد رعود ...
واسمع كل هالبشر صوتي عجبته ولا زعلته ...
وأردد للي يسمعني اذا حبيت حط حدود ...
أنا حبيت دون حدود وشف الي تكبدته ...
ثلاث سنين وانا ابني وجت صوره بكل برود ...
خذت مني شقا عمري وحلم قلت حققته ...
ثلاث سنين وانا اخطط لهذا اليوم يابو سعود ...
وتوافق من كلام اخته وصوره اربع بسته ...
